Rock the Tsmok

Афіцыйны блог БК Цмокі-Мінск

Уральскі метэарыт. Як «Цмокi» саступiлi «Уралу»

Tsmoki_logo 22 января 2014 в 10:52
W4hd6m12lz0

У другім туры Топ-16 Еўрачэленджа мужчынская каманда «Цмокі», на жаль, пацярпела паражэнне ад «Урала» з Екацярынбурга. Зыход напружанай сустрэчы, якая расцягнулася на дадатковую пяціхвілінку, вырашыўся незадоўга да сірэны пасля трохачковага Фліса. Нажаль, адэкватны адказ наша каманда так і не збудавала, чым і ўскладніла сабе жыццё ў плане барацьбы за першае месца ў групе.

У параўнанні з апошнімі матчамі Данальдас Кайрыс зрабіў адну замену — у стартавай пяцёрцы замест Дзяніса Коршука выйшаў Аляксей Трасцінецкі. Праўда, большасць камбінацый нашай каманды на першых хвілінах праходзілі не праз беларускага форварда, а праз Кіта Бэнсана, якога актыўна «грузіў» унізе Міркавіч. Амерыканец карыстаўся перадачамі плэймейкера з бляскам, толькі за 6 абаротаў секунднай стрэлкі настраляў 10 ачкоў. Падтрымаў пачын партнёра парачкай удалых праходаў і Харпер.
 
У выніку „Цмокі“ адразу завалодалі перавагай, якая вагалася ў раёне 4-7 ачкоў. Пры гэтым неўзабаве пасля экватара стартавага перыяду літоўскі настаўнік узяўся за масавыя замены. Мера ў чымсьці вымушаная, бо сустрэча з „Уралам“ стала для гаспадароў другой за тры дні. Добра, што рэзервісты абедні не сапсавалі. Наадварот, у іх нават атрымалася давесці перавагу мінчукоў да двухзначнай. Пры гэтым немалая заслуга ў гэтым належыць Віталю Лютычу, які набраў 6 ачкоў запар адразу ж пасля выхаду на пляцоўку. У выніку першую 10-хвілінку „драконы“ завяршылі з перавагай у "+11".


 
Выправіць сітуацыю госці спадзяваліся праз трансфармацыю ахоўных пабудоў. Першы час, праўда, змены плёну не мелі — абарончыя рэдуты суперніка некалькі разоў з лёгкасцю прарваў усё той жа Харпер. Аднак неўзабаве на сваёй палове пляцоўкі госці пачалі дзейнічаць куды больш паспяхова — амаль 5 хвілін „Цмокі“ не маглі набраць ніводнага бала. Сітуацыю пагаршаў яшчэ і перабор камандных заўваг, якім госці некалькі разоў скарысталіся — і нават скарацілі 16-ачковы дэфіцыт больш чым удвая да вялікага перапынку.

Горш таго, трэцюю чвэрць гульцы „Урала“ пачалі з рыўка 9:2 — і пасля далёкага траплення Макгі зраўнялі лік. Актыўнае заігрыванне Бэнсана, на якім маментальна здваіваліся візаві, больш не працавала. На шчасце, пошукі альтэрнатыўных варыянтаў нападу не зацягнуліся. Пасля таго, як шалі выраўняліся, пару разоў ініцыятыву ў свае рукі паспяхова ўзяў Міркавіч. Спачатку Бранка вызначыўся з фолам у праходзе. Крыху пазней — закінуў з-за дугі. Прыемна, што якасць нападу не пацярпела і пасля замены Бранка на Бразелтана. Што лагічна, навабранец „драконаў“ другі матч у складзе нашага клуба правёў больш упэўнена, чым дэбютны. У прыватнасці, набраў 10 балаў і аддаў 6 перадач. Пасля двух трапленняў абаронцы запар пад канец трэцяга перыяду перавага „драконаў“ зноў дасягнула 10 ачкоў. Нажаль, датрымаць яе не ўдалося — і да заканчэння 10-хвілінкі госці паспелі скараціць адставанне ўдвая.


 
Больш за тое, за чатыры з невялікім хвіліны да сірэны расейцы і зусім упершыню ў матчы выйшлі наперад. Менавіта тады галоўныя снайперы гасцей „злавілі кідок“ — за невялікі прамежак часу далёкімі трапленнямі адзначыліся Макгі, Харыс і Глазуноў. Неўзабаве ж пасля „артабстрэлу“ апанента Кайрыс выпусціў лёгкі варыянт пяцёркі з адначасовым з'яўленнем на пляцоўцы Міркавіча і Бразелтана, а таксама пераводам Харпера на пазіцыю трэцяга нумара. Нажаль, першы час перастаноўкі не далі пладоў — у апошніх атаках што Бразелтан, што Харпер кідалі з супрацівам. У выніку пасля праходу Глазунова, які нарваўся на фол і рэалізаваў абодва штрафных, госці завалодалі перавагай у 2 ачкі за 8 секунд да сірэны. На шчасце, менчукам атрымалася перавесці паядынак у авертайм дзякуючы ўдаламу праходу усё таго ж Бразелтана.
 
На жаль, дадатковая пяціхвілінка не прынесла нашай камандзе станоўчых эмоцый. Пасля траплення Харпера за паўтары хвіліны да канца паядынку мінчукі так ні разу і не вызначыліся: Міркавіч трапіў у дужку, Харпер залез пад блок-шот. Нарэшце, і праход Бразелтана, які спрабаваў нівеліраваць мінімальнае адставанне („Урал“ здабыў перавагу пасля далёкага траплення Фліса) поспехам не ўвянчаўся. Нажаль, у чарговай нервовай канцоўцы падапечныя Кайрыса пацярпелі фіяска. „Урал“ жа, атрымаўшы перамогу на выездзе над прамым канкурэнтам у спрэчцы за першае месца, істотна палегчыў сабе жыццё ў барацьбе за верхні радок групы.


 
Форвард „Цмокі-Мінск“ Павел УЛЬЯНКА:
— Цяжка зараз нешта казаць — вельмі крыўдная параза. З асноўных кампанентаў прайгралі падбор. Несумненна, трохі да суперніка павярнулася ўдача. Аднак не толькі ў ёй справа. Заўтра будзем дэталёва глядзець запіс матчу. Вяртацца ў рытм, у якім пачыналі сезон.
 
Галоўны трэнер „Цмокі-Мінск“ Данальдас КАЙРЫС:
- «Урал» яшчэ да матчу з намі даказаў, што каманда добра гуляе ў Еўрачэленджы. На жаль, мы недастаткова прафесійная каманда для таго, каб зразумець небяспеку паслаблення. Пасля першай чвэрці каманда расслабілася. У гульцоў не хапала цярпення для таго, каб даводзіць атакі да лагічнага завяршэння. Крыўдна не толькі таму, што так прайгралі — крыўдна таму, што гулялі дрэнна. Заўтра а 10.30 будзем глядзець запіс матчу — думаю, знойдзецца, што паказаць кожнаму.

 
ЦМОКІ-МІНСК — УРАЛ - 96:97 (АТ) (29:18, 14:18, 23:25, 20:25, 10:11)

Мінск. 21 студзеня

ЦМОКІ-МІНСК: Міркавіч (11), Харпер (11), Трасцінецкі (3), Ульянка (8), Бэнсан (25 + 7 пад); Лашкевіч (12), Бразелтан (10 + 6 пас), Лютыч (9), Хантэр (5 + 6 пад), Мешчаракоў (2), Коршук (0), Рубінштэйн (н.в.).
УРАЛ: Глазуноў (13 + 10 пас), Харыс (21 + 10 пад), Арцешын (3), Фліс (23 + 13 пад), Макгі (23 + 10 пад); Карчагін (6), Баранаў (3), Васкрасенскі (3). Чарамных (2), Кузняцоў (н.в.).

Ошибочка вышла? Выделите, пожалуйста, ее, нажмите Ctrl+Enter и срочно сообщите в редакцию

  • Код для вставки в блог
  • Опубликовать в Twitter

Еврочеллендж, Цмокi-Мiнск, Павел Ульянко, Дональдас Кайрис, Бранко Миркович

Оцените материал:
Хорошо
Плохо

Последние записи блога

Комментарии 0


Футбол Беларусь
чемпионат Беларуси
БАТЭ
высшая лига
первая лига
вторая лига
дублеры
Кубок Беларуси
Сборные
сборная Беларуси
сборная Беларуси мол.
квалификация ЧМ-2014
Еврокубки
Лига чемпионов
Лига Европы
Европейские чемпионаты
премьер-лига Россия
премьер-лига Англия
примера Испания
бундеслига Германия
серия А Италия
премьер-лига Украина
Хоккей
Экстралига
КХЛ
Динамо Минск
НХЛ
ЧМ-2013
ЧМ-2014
сборная Беларуси
Баскетбол
Беларусь
сборная Беларуси
сборная Беларусь жен.
Единая лига ВТБ
НБА
Гандбол
Беларусь
сборная Беларуси
Лига чемпионов
Теннис
Виктория Азаренко
Биатлон
Дарья Домрачева
Прочие
Бокс
Велоспорт
Легкая атлетика
Формула-1
Фристайл
Сервисы
Матч-центр
Фото
Видео
Блоги
Конференции
Сайт
O Goals.by
Редакция
Контакты
Вакансии
Реклама
Информация
Пользовательское соглашение
Партнеры
Goals.by в Twitter
Goals.by ВКонтакте
Goals.by на Facebook

© Goals.by, 2010-2014

Система управления рекламой - AdFox